«Ватан иле Саба». Эфир

Къырымтатар халкъ оюны - миллий урф-адетлеримизни ве умумен асабалыгъымызны мыкъайтлыкънен сакълап къалмакъта, ве эр заман инкишаф тертибинде тутмакъта. Къырымда миллий оюн ансамбллери насыл фаалиет косьтерип, инкишаф этелер? Къырымтатар тойлары, мевзусы даима актуальдир. Миллий тантаналарымызнынъ зийнети халкъ ве къырымтататар тилинде иджра этильген йырлардыр. Земаневий тойларда бу хусусиетимизге къулакъ асыламы? «Ватан иле Саба“ программасынынъ невбеттеки мусафири, профессиональ боксчы- Батыр Ахмедов. О дюньянынъ дигер четинде ерлешкен мемлекетлерде, мешур ареналаргъа тувгъан Къырымтатар халкъынынъ байрагъынен чыкъа. Мутехассыз спортчы озь фаалиети ве оладжакъ реваншы акъкъында сёз юрьсетип, бир къач усталыкъ дерсини берди. Мусафирлер: Айше Аблаева,Зарема Сырлы, Левзер Сеитмеметов, Батыр Ахмедов.