Recha -- Хойнікі

Гурту Recha шчасціць шмат ездзіць па Беларусі. Мы гралі ў вёсках, мястэчках, хутарах, на азёрных выспах, мы добра ведаем што такое местачковыя фэсты, раённыя клубы. Шчасце – піць каву на запраўках, ехаць сярод веснавай квецені, шчасце – па канцэрце вячэраць у местачковай карчомцы, шчасце – вяртацца ў добраўпарадкаваную сталіцу з райскіх садоў беларускіх вёсак. Мы шмат дзе былі, а вось да Хойнікаў яшчэ не даехалі… У альбоме Žyvak ёсць некалькі песняў, натхнёных вандроўкамі - гастролямі па нашай Бацькаўшчыне.