Православный календарь; Суббота 26 октября 2024 / 13 октября 2024

Седмица 18-я по Пятидесятнице. Глас осмый. Иверской иконы Божией Матери (принесение в Москву в 1648 г.). Мчч. Карпа, еп. Фиатирского, Папилы диакона, Агафодора и мц. Агафоники Пергамских (251). Сщмчч. Иннокентия и Николая пресвитеров (1937). Возвращение мощей прп. Саввы Освященного из Италии во Св. Град (1965). Обретение мощей сщмч. Фаддея, архиеп. Тверского (1993). Прп. Вениамина Печерского, в Дальних пещерах (XIV). Мч. Флорентия Солунского (I-II). Мч. Вениамина диакона Персидского (421-424). Прп. Никиты исп. (ок. 838). Свт. Мелетия, патриарха Александрийского (1601). Мц. Хрисы (Златы) (1795) (Болг.). Седмиезерной иконы Божией Матери (XVII). Св. Ванантия Турского (Галл.). Святителя Антония Чкондидского (1815) и ученика его иеромонаха Якова (Груз.). Св. Когмана игумена Лочальского. Чтения дня Луки 1:39-49, 56 (на утрене) 1 Коринфянам 15:39-45 (рядовое) Луки 6:1-10 Филиппийцам 2:5-11 (Богородице) Луки 10:38-42; 11:27-28 (Богородице) Тропари Иверской иконы Богородицы. Тропарь, глас 1. Де́рзость ненави́дящих о́браз Госпо́день/ и держа́ва нечести́вых безбо́жно в Нике́ю прии́де,/ и по́сланнии безчелове́чно вдови́цу,/ благоче́стно чту́щую ико́ну Богома́тере, истязу́ют,/ но та́я но́щию с сы́ном ико́ну в мо́ре пусти́, вопию́щи:/ сла́ва Тебе́, Чи́стая,/ я́ко непроходи́мое мо́ре плещи́ своя́ подаде́,/ сла́ва правоше́ствию Твоему́, Еди́на Нетле́нная. Ин тропарь, глас 1. От святы́я ико́ны Твоея́,/ о Влады́чице Богоро́дице,/ исцеле́ния и цельбы́ подаю́тся оби́льно/ с ве́рою и любо́вию приходя́щим к ней,/ та́ко и мою́ не́мощь посети́,/ и ду́шу мою́ поми́луй, Блага́я,/ и те́ло исцели́ благода́тию Твое́ю, Пречи́стая. Кондак, глас 8. Áще и в мо́ре вве́ржена бысть свята́я ико́на Твоя́, Богоро́дице,/ от вдо́вицы, не могу́щия спасти́ сию́ от враго́в,/ но яви́лася есть храни́тельница Афо́на/ и врата́рница оби́тели Иве́рския, враги́ устраша́ющая/ и в правосла́вней Росси́йстей стране́/ чту́щия Тя от всех бед и напа́стей избавля́ющая. Мчч. Карпа, Папилы диакона, Агафодора и мц. Агафоники. Тропарь, глас 4. Му́ченицы Твои́, Го́споди,/ во страда́ниих свои́х венцы́ прия́ша нетле́нный от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами/ спаси́ ду́ши на́ша. Кондак, глас 4. Я́ко сокро́вище многоце́нное, Влады́ка,/ и исто́чник, источа́ющ то́ки исцеле́ний,/ су́щим на земли́ подаде́ мо́щи ва́ша,/ неду́ги у́бо отъе́млющия страсте́й разли́чныя,/ благода́ть же даю́щия душа́м непреста́нно./ Те́мже согла́сно любо́вию/ ва́ше, му́ченицы Боже́ственнии, соверша́ем торжество́. Ин кондак, глас 4: Венчено́сцы я́вльшеся днесь в ми́ре,/ прему́дрии, с Ка́рпом Папи́ле,/ просвеща́ете всех,/ и́же ве́рою и весе́лием чту́щих па́мять ва́шу. Прп. Вениамина Печерского, в Дальних пещерах. Тропарь, глас 2. Добр купе́ц бысть, Богому́дре Вениами́не,/ бога́тство бо свое́ тле́нно разда́в,/ купи́л еси́ о́ным нетле́нное в Ца́рствии Небе́снем,/ в не́мже ны́не та́мошних благ наслажда́яся бога́тне,/ проси́ нам ми́ра и ве́лия ми́лости. Кондак, глас 8. Ку́плю жите́йскую я́ко тще́тную оста́вль/ и шед, купи́л еси́ себе́ многоце́нен би́сер Христа́,/ Ему́же во и́ночестем о́бразе/ труды́ и по́двиги, безме́нством же и послуша́нием, преподо́бне Вениами́не, благоугожда́я,/ прия́л от Него́ ве́лию и бога́тую ми́лость.