ЯТАШТАР ОСРАШТЫ

Бөйөк Ватан һуғышы тамамланғас ил хөкүмәте һуғыштан һуң хужалыҡтарҙы тергеҙеү генә түгел, яңы ҡалалар, завод , фабрикалар, тимер юлдар төҙөү тигән бурыс ҡуя. Шул арҡала Аллағыуат, Ҡарлыкүл, Ирек, Ҡыҙыл Ауыл, Күс, Яңы Петровск һәм Кесе Аллағыуат ауылдары бөтөрөлә, ә унда йәшәүселәр тирә-яҡтағы ауыл һәм ҡалаларға күсерелә. «Юрматы ере» мемориаль комплексы ошо ауылдарҙан сыҡҡан кешеләрҙе берләштереп, осраштырып тора. Ошо көндәрҙә Ишембай районы, Салауат, Стәрлетамаҡ ҡалалары хакимиәттәре башлыҡтары, ошо күсерелгән ауылдарҙан сыҡҡан яҡташтар «Юрматы ере» мемориаль комплексының нигеҙ һалыныуына 20 йыл тулыуға арналған байрам сараһына йыйылды.