Тиринь Гайть (текст) - Александр Дёмкин

Слова: Александр Дёмкин Зярдо од эйкакшось появи ольной светс Ды авазо сайсы сонзэ эсензэ кедьс Пижакады, мизолгады. Сон васеньцеде тиринь келенть кунсолы, Вишка сельминесэнзэ минек лангс ванны. Слюнят пуркси, истя кеци. Эзинек фатяяк куроксто ютась шкась, Кода од эйкакшонть вишка шказо ютась, Школав яки, урок теи. Сон зярдояк вечкевикс келенть а стувтсы, Тетянь-авань кисэ сон пек ней мелявты, Тевсэ лезды, ды важоди. Мороюткось: Тиринь гайть, тиринь мель. Мон кунсолан эрзянь кель. Таго марян тиринь гайть, Сюконян тонеть авай. Пурнась од ломанесь эрявиксэнь коневт, Иензэ топодсть сон сыргась Саранск ошов, Тонавтнеме, превень вешнеме. Перьканзо чарыть пек ламо ломанть лият, Кода а тапавомс, муемс эсь часиянть, Ломань ютксто, Саранск ошсто. Кадык сеетьстэ сон ней велев пачколи, Покш меле марто тиринь келенть кунсолы, Эрзякс корты, кель а яжи. Сон зярдояк вечкевикс келенть а стувтсы, Уледе шумбрат! - эрьва сёрмасо тешксты, Валсо лезды, мель топавты.