Молитва от врагов и соперников

1 Изми мя от враг моих, Боже, и от востающих на мя избави мя. 2 Избави мя от делающих беззаконие и от муж кровей спаси мя. 3 Яко се уловиша душу мою, нападоша на мя крепцыи, ниже беззаконие мое, ниже грех мой, Господи. 4 Без беззакония текох и исправих, востани в сретение мое и виждь. 5 И ты, Господи Боже сил, Боже Израилев, вонми посетити вся языки, да не ущедриши вся делающыя беззаконие. 6 Возвратятся на вечер и взалчут, яко пес, и обыдут град. 7 Се тии отвещают усты своими, и меч во устнах их, яко кто слыша? 8 И Ты, Господи, посмеешися им, уничижиши вся языки. 9 Державу мою к Тебе сохраню, яко Ты, Боже, Заступник мой еси. 10 Бог мой, милость Его предварит мя, Бог мой, явит мне на вразех моих. 11 Не убий их, да не когда забудут закон Твой, расточи я силою Твоею и низведи я, Защитниче мой, Господи. 12 Грех уст их, слово устен их, и яти да будут в гордыни своей, и от клятвы и лжи возвестятся в кончине. 13 Во гневе кончины, и не будут, и уведят, яко Бог владычествует Иаковом и концы земли. 14 Возвратятся на вечер, и взалчут, яко пес, и обыдут град. 15 Тии разыдутся ясти. Аще ли же не насытятся, и поропщут. 16 Аз же воспою силу Твою и возрадуюся заутра о милости Твоей, яко был еси Заступник мой и Прибежище мое в день скорби моея. 17 Помощник мой еси, Тебе пою: яко Бог Заступник мой еси, Боже мой, милость моя. #молитва #враг #соперник Теги: молитва от врагов и соперников,защита от врагов,молитва от врагов,сильная молитва от врагов,молитва от врагов и злых людей,молитва от соперников,сильная молитва,псалом 58,псалтирь. псалом 58,псалом давида,самые сильные молитвы,молитва помощь,молитва исцеление,библия,молитва,вера,псалмы,псалом