Cямя палітвязьня жыве на 278 BYN у месяц / Семья политзаключенного живет на 278 BYN в месяц_1080p

Падчас мірных пратэстаў-2020 Сяргей Моніч нанёс на будынкі надпісы «АМАП – забойцы», «3%» і «Кубракоў – фашыст». Яго затрымалі 21 сьнежня 2020 году, суд палічыў яго вінаватым у хуліганстве, абразе чыноўніка, а таксама ў захоўваньні наркотыку. 35-гадовы мужчына атрымаў 3 гады калёніі. У сям’і Монічаў двое дзяцей — першаклясьнік Даніла і 5-гадовая Аня. Жонка Сяргея Анастасія вымушаная выжываць на дапамогу, якую атрымлівае за догляд інваліда першай групы - гэта 278 беларускіх рублёў. У канцы лета валянтэры дапамаглі сабраць дзетак у школу і дзіцячы садок - сям’і падарылі заплечнік, а таксама неабходныя канцтавары. Звароты Анастасіі да чыноўнікаў з просьбай дапамагчы дзецям застаюцца без адказу.