Համախմբում ու սթափ գիտակցություն է պետք, բայց նախ պետք է փոխվի բանակցողը. Վահագն Մելիքյան

Արցախը Հայաստանի դարպասն էր, որը դավադրական և դավաճանական մոտեցմամբ բացված է, այդտեղից ուղիղ մուտք է լինելու Հայաստանի Հանրապետություն։ «Աբովյան Time»–ի եթերում այս տեսակետը հայտնեց ԱԳ նախկին գլխավոր քարտուղար, արտակարգ և լիազոր դեսպան Վահագն Մելիքյանը։ «Մի՞թե այդքան տգետ կարելի է լինել, որ չհասկանալ` որքան փոխկապակցվածություն կա Արցախի ու Հայաստանի միջև։ Այո՛, թշնամին չի բավարարվելու, Արցախը նախուտեստն է։ Դրանից հետո սկսվելու են շատ ավելի վտանգավոր քայլեր` ուղղված ՀՀ սուվերենությանը, ՀՀ տարածքային ամբողջականությանը»,– ընդգծեց նա։ Հարցազրույցի ընթացքում Մելիքյանն անդրադարձել է դիվանագիտական ճակատում նախկինում արված աշխատանքներին, խոսել դաշնակիցների հետ ներկայիս վատ հարաբերությունների մասին, նշել ճանապարհներն ու ելքերը։