Солдатонь Ава (текст) - Олёш

Слова: Числав Журавлёв Чинзэ валгомс ашти вальманть ало, Ризнэзь ваны ютыцятнень лангс. Цёрынензэ учни бабась яла, Апак сизе канды пингень канст. Чинек-венек корты мезде-бути, Лиси ушов, тошки: «Сынь арасть!..» Зяро иеть горясь сонзэ увти, Зяро сельведть истя учнезь прасть! Бабась яла канды прянзо верьга, Кадык манявсь учнезь сядоксть сон. Костя, Митя, Ёгорь, Илька, Серьга — Кудов сыть ней — несь сон паро он. Кеми авась, учни ламо иеть... Живть цёрканзо, ялатеке живть! Чиденть виев, ава, ойме виеть, Секс тон яла кемат: цёрат сыть.