Яа йлр тзеп кер зур шатлык бит ул!

Яңа өйләр төзеп керү – зур шатлык бит ул! ⠀ Зур булсынмы, кечкенәме, бигрәк тә үзең әле яшь чакта аерым торак булдыра алуыңа шөкер итеп яшәү – гаилә өчен бик мөһим вакыйга. Зур куаныч белән өйгә җиһаз сайлыйсың, диварларын нинди төсле итәргә микән дип баш ватасың. Ә хатын-кызның монардан тыш әле өйне ямьләндерү вазыйфасы да бар бит әле. ⠀ Бүген без пәрдәләр салонына барып, дизайнер ярдәме белән өйдәге бар тукыма бизәлешне сайлыйбыз. Алар күбрәк белә, күбрәк аңлый, имеш. Дөресе дә шулай бит инде. Һәрбер эшнең үз остасы. ⠀ Ә элек өйне бизәү фәкать хуҗабикә өстенә төшә иде. Иң өлкән апам, Сәхәбетдинова Гөлнур Нургали кызы (1955), кияүгә чыгып Казанга күченеп киткәннәр иде. Анда өй булдырып керделәр. Өендәге аш бүлмәсендәге тәрәзәләргә ап-ак бәздә ришелье ысулы белән чигелгән пәрдәләр элгәч өйнең ничек ямьләнеп киткәнен күз алдына китерәсезме?! Крават башларында да челтәрле-челтәрле ришелье иде... ⠀ Ул өй хәзер юк инде... Аның урынында хөкемәт 9 катлы өй төзеп куйды. Ә пәрдәләр, крават башы хаман да исән. Алга та