Mançester Yunayted 2:3 Qalatasaray | UEFA Çempionlar Liqası | İCMAL

“Old Trafford”da “Mançester Yunayted” “Qalatasaray”ı qəbul edib. Oyuna yaxşı başlayan ev sahibləri bunun məntiqi nəticəsi kimi 17-ci dəqiqədə hesabı açıblar. Rasmus Hoylund fərqlənib. Lakin 6 dəqiqə sonra qonaqlar status-kvonu bərpa ediblər. Vilfred Zaha adını tabloya yazdırıb. İlk yarı 1-1 hesablı bərabərliklıə yekunlaşıb. “Mankunianlar” 59-cu dəqiqədə fərqlənsələr də, qol VAR-ın müdaxiləsi ilə ləğv edilib. Buna baxmayaraq, İngiltərə təmsilçisi 67-ci dəqiqədə yenidən hesabda önə keçib. Rasmus Hoylun dublunu rəsmiləşdirib. Üçüncü qolunu danimarkalı hücumçu hazırda 3 qolla bombardirlər cədvəlinin vahid lideridir. Lakin cəmi 4 dəqiqə sonra Kerem Aktürkoğlu topu Andre Onananın qoruduğu qapıdan keçirərək yenidən matça tarazlıq gətirib. 77-ci dəqiqədə ev sahibləri azlıqda qalıblar. Kazemiro cərimə meydançası daxilində kobud oynayaraq, həm ikinci sarı vərəqənı alaraq meydanı tərk edib, həm də penaltiyə səbəb olub. Nəticədə “sarı-qırmızılılar” penalti vurmaq şansı qazansalar da, Mauro İkardi hədəfdən yayınıb. Lakin argentinalı forvard 81-ci dəqiqədə günahını yuyub. Devinson Sançesin ötürməsini qolla tamamlayan İkardi qarşılaşmanın yekun hesabını müəyyənləşdirib. ============================================================================= Azərbaycanın HD yayıma çıxan ilk telekanalı olan “CBC Sport” Azərbaycan və dünya idmanının nəbzini tutur, sağlam həyat tərzini təbliğ edir. Ən nüfuzlu daxili və xarici yarışları tamaşaçısına açıq yayımda təqdim edən “CBC Sport” gündəlik xəbərlər bloku, gündəm verilişləri, analitik və əyləncəli proqramları, icmallar və filmləri ilə Azərbaycanda idman yayımçılığını yeni səviyyəyə qaldırır. Abunə ol!: Rəsmi saytımız: Canlı yayım: Bizi sosial şəbəkələrdə axtarın: Instagram: Facebook: Telegram: Kanalında yayımlanan videoların müəllif hüquqları Azərbaycan Respublikasının qanunvericiliyi ilə qorunur. Məhsulların başqa kanallarda icazəsiz yayımlanması qadağandır!