Святитель Филипп II Колычев, митрополит Московский и всея Руси

Канон святителю Филиппу, митрополиту Московскому Припев: Святи́телю, о́тче на́ш, Фили́ппе, моли́ Бо́га о на́с. Память: 22 января (09 января ст. ст.); 16 июля (03 июля ст. ст.); 18 октября (05 октября ст. ст.) Глас 8. __ Канон святому священномученику Филиппу II, Митрополиту Московскому и всея Руси (на обретение мощей) Припев: Священному́чениче, о́тче на́ш, Фили́ппе, моли́ Бо́га о на́с. Память: 22 января (09 января ст. ст.); 16 июля (03 июля ст. ст.); 18 октября (05 октября ст. ст.) Глас 1. __ Акафист святителю Филиппу, митрополиту Московскому и всея России чудотворцу Память: 22 января (09 января ст. ст.); 16 июля (03 июля ст. ст.); 18 октября (05 октября ст. ст.) __ Тропарь святителю Филиппу (Колычеву), митрополиту Московскому, глас 8. Первопресто́льников прее́мниче,/ сто́лпе Правосла́вия, и́стины побо́рниче,/ но́вый испове́дниче, святи́телю Фили́ппе,/ положи́вый ду́шу за па́ству твою́,/ те́мже я́ко име́я дерзнове́ние ко Христу́,/ моли́ за град же и лю́ди,// чту́щия досто́йно святу́ю па́мять твою́. __ Тропарь святителям Московским, глас 4. Первопресто́льницы Росси́йстии,/ и́стиннии храни́телие апо́стольских преда́ний,/ столпи́ непоколеби́мии, правосла́вия наста́вницы,/ Пе́тре, Алекси́е, Ио́но, Фили́ппе и Ермоге́не,/ Влады́ку всех моли́те/ мир вселе́нней дарова́ти,// и душа́м на́шим ве́лию ми́лость. __ Кондак святителю Филиппу (Колычеву), митрополиту Московскому, глас 8. Во успе́нии твое́м обрето́ша на телеси́ твое́м сокро́вище некра́домое:/ два креста́ и тяжча́йшая желе́за, е́же есть вери́ги,/ посто́м и моли́твами Бо́гу угоди́л еси́, святи́телю Фили́ппе,// моли́ Христа́ Бо́га о всех нас. __ Кондак святителям Московским, глас 3. Во святи́телех благоче́стно пожи́сте,/ и лю́ди к Богоразу́мию наста́висте, и до́бре Бо́гу угоди́сте,/ сего́ ра́ди от Него́ нетле́нием и чудесы́ просла́вистеся,// я́ко ученицы́ Бо́жия благода́ти. __ Величание Велича́ем тя, святи́телю о́тче Фили́ппе, и чтим святу́ю па́мять твою́: ты бо мо́лиши за нас Христа́ Бо́га на́шего. __ Величание святителям Московским Велича́ем вас,/ святи́телие Христо́вы/ Пе́тре, Алекси́е, Ио́но, Фили́ппе и Ермоге́не,/ и чтим святу́ю па́мять ва́шу:/ вы бо мо́лите за нас// Христа́ Бо́га на́шего. __ Молитва святителю Филиппу (Колычеву), митрополиту Московскому О, пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Фили́ппе, предстоя́ у Престо́ла всех Царя́ и наслажда́яся све́та единосу́щныя Тро́ицы и херуви́мски со а́нгелы возглаша́я песнь трисвяту́ю, вели́кое же и неизсле́дованное дерзнове́ние име́я ко всеми́лостивому Влады́це, моли́ спасти́ся па́ствы Христо́вы лю́дем, благостоя́ние святы́х церкве́й утверди́: архиере́и благоле́пием святи́тельства украси́, мона́шествующыя к по́двигом до́браго тече́ния укрепи́, ца́рствующий град и вся гра́ды и страны́ до́бре сохрани́, и ве́ру святу́ю непоро́чну соблюсти́ умоли́, мир весь предста́тельством твои́м умири́, от гла́да и па́губы изба́ви ны, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, си́роты заступи́, младе́нцы возрасти́, пле́нных возврати́, немощству́ющыя и моля́щияся тебе́ от всех напа́стей и бед хода́тайством твои́м свободи́: моли́ о нас Всеще́драго и Человеколюби́ваго Христа́ Бо́га на́шего, да и в день Стра́шнаго Прише́ствия Его́ от шу́ияго стоя́ния изба́вит нас, и ра́дости святы́х прича́стники сотвори́т со все́ми святы́ми во ве́ки веко́в. Ами́нь.