Елена Воронина ЭРЗЯНЬ КЕЛЬ Серафима Люлякинань

ЭРЗЯНЬ КЕЛЬ Монь чачтымим эрзянь ава, Эрзянь масторсо касынь. Эрзякс кортамо баславазь Весе пингем, весе чинь. МОРОЮТКОСЬ: Эрзянь кель! Эрзянь кель! Ашо килей, чуди лей, Чольдердиця горнипов, Гайсэ морыця цёков. Эрзянь келесь эсь койсэнзэ Мазый, эрявикс, питней. Илядо стувто эйсэнзэ, Путодо тензэ седей. МОРОЮТКОСЬ: Эрзянь кель! Эрзянь кель! Ашо килей, чуди лей, Чольдердиця горнипов, Гайсэ морыця цёков. Тиринь мастор! Вечкень велем! Седеем кецтни тонь кис. Пек мон вечкса эрзянь келем, А стувтса меельце чис. МОРОЮТКОСЬ: Эрзянь кель! Эрзянь кель! Ашо килей, чуди лей, Чольдердиця горнипов, Гайсэ морыця цёков.