Урсейы сгуыхт артистк Реуазты Симйыл ацы мй сххст уыдаид 95 азы

Йæ фæндырдзагъд дæр йæхийау аив æмæ уæздан. Уыцы зæлтæ никæимæ ис фæивддзаг кæнæн. Ирон фæндыр ын йæ зæрдæйы æмбисонды æнкъарæнтæ кæй æвзæрын кодта, уый хæрзчысылæй банкъардта. Цыфæнды цагъд фехъуыстаид, мелоди иу уайтагъд ацахста. Йæ райгуырæн Æрыдоны Симæйæн цы мысæн изæр сарæзтой, уый райдыдта Гæздæнты Булаты номыл адæмон инструментты паддзахадон оркестр. Æмæ хуымæтæджы нæ. Адæмон интрументты оркестæн Симæ снывонд кодта æнусы ’рдæджы бæрц. Ардæм æй 14-аздзыдæй райстой. 40-æм азты байгом, республикон радиокомитеты цур. Аивады стыр дунемæ йын фæндаг бакодта зындгонд музыкант Левон Давыдов. Чысыл хæдахуыр фæндырдзæгъдæгæй дæсны музыкант рауайдзæн, уый уайтагъд бафиппайдта. Æмæ нæ фæрæдыд. Симæ ахуыр кодта музыкалон-педагогон училищæйы. Каст æй куы фæци, уæд чызджы нæ рауагътой, райдыдта ахуыргæнæгæй кусын. Уыцы иу рæстæг ма райста ноджыдæр иу дæсныйад — фæци домрæйы кълас. Симæ зыдта курдиат райхалын, ног ахорæнтæй йæ сæрттивын кæнын. Республикон культурæйы колледжы студенттæй аивады дунемæ бирæты ахуыдта. Абон уыдон сæхæдæг дæсны музыкнттæ æмæ ахуыргæнджытæ сты. Йæ фæдонтæн скодта æрдхæрæны лæвар — сарæзта нотæты грамотæ ирон фæндырæн. Бахаста йæм пьесæтæ, этюдтæ, ансамбльтæ, зарджытæ. Реуазты Симæ бирæ зындгонд фысджыты ныхæстæм ныффыста музыкæ. Уыцы зарджытæ зæлынц радиойæ, телевизорæй, сценæйæ. Йæ фæндыр абон дæр æгас у. Мысæн изæры йыл ацагъта Дзуццаты Сослан. Гæздæгты Булат, Реуазты Симæ, Мыстулаты Иринæ — сызгъæрин трио. У музыкалон аивады классикæ. Ирон адæмон æмæ авторон музыкæйы хуыздæр уацмстимæ суанг æгас бæстæйы аивадуарзджыты дæр базонгæ кодтой. Фæндырдзæгъдæг, педагог, Уæрæсейы сгуыхт артисткæ, Цæгат Ирыстоны адæмон артисткæ. Ацы бонты Реуазты Симæйыл сæххæст уыдаид 95 азы.