Առողջապահության նախարար Արսեն Թորոսյանը՝ պարտադիր ապահովագրության համակարգի ներդրման մասին

Հունվարի 31-ին տեղի ունեցած մամուլի ասուլիսի ժամանակ ՀՀ առողջապահության նախարար Արսեն Թորոսյանը պատասխանեց հայաստանյան առաջատար լրատվամիջոցների մի շարք հարցերի: Մեծամասամբ հարցերը վերաբերում էին 2019-nCoV նոր կորոնավիրուսին, որն այսօր հուզում է ամբողջ աշխարհին: Նախարարի պատասխանել է նաև առողջապահության համակարգի ներհայաստանյան խնդիրների՝ մասնավորապես, ապահովագրության պարտադիր համակարգի ներդրման մասին հարցին։ Պատասխանելով պարտադիր ապահովագրության համակարգի ներդրման ընթացքի մասին «Armenia Today» տեղեկատվական-վերլուծական պորտալի թղթակցի այն հարցին, թե ինչպե՞ս է այն գործելու թոշակառուների և գործազուրկների համար՝ Արսեն Թորոսյանը հույս է հայտնել, որ մի օր կվերադառնանք և կհասկանանք, որ արդեն ունենք կայացած բժշկական ապահովագրության համակարգ։