Татар малае, татар кызчыгы 2024

Азнакайда шулай ук «Татар малае, татар кызчыгы – 2024» бәйгесенең йомгаклау этабы үтте. Әлеге чара телгә ихтирам булдыру, балаларны иманлы итеп тәрбияләү, гаиләләрдә халкыбызның асыл сыйфатларын күрсәтү максатыннан үткәрелә. Тантаналы чарада район башлыгы Марсель Шәйдуллин, район башкарма комитеты җитәкчесенең социаль мәсьәләләр буенча урынбасары Дамир Гыйләҗев, мәгариф идарәсе җитәкчесе Зөлфия Гыйләҗева, Азнакай хатын-кызлар советы, «Ак калфак» район оешмасы җитәкчесе Эльвира Галиева, ЗАГС бүлеге җитәкчесе Айгөл Хәсәнова катнаштылар.