Темір Дулат - Келіншектау (видео)

Темір Дулат: «Біз - күй құдіретіне бас иген халықпыз. Домбыраның шегіне күйшінің саусағы тигенде Сіздің де жүрегіңіздің дір ете қалатынын білемін. Сондықтан да өзімнің төл туындымды Сіз тыңдағаныңызды қалаймын. Бұл - менің туған жерге тағзым ретінде жазған «Келіншектау» атты күйім. Созақтағы қарт Қаратаудың теріскейінде тізбектеле орналасқан тау сілемдерін Созақ елі «Келіншектау» деп атайды. Бұл күй - сол жүк артқан көшке ұқсаған, әсемдігіне көз тоймайтын «Келіншектауға» деген құрметпен туған жерге деген кішкентай ғана тартуым болсын». Келіншектау туралы аңыз: Сонау есте жоқ ерте замандарда Қаратау етегінде өмір сүрген атақты бір байдың Айсұлу есімді өте сұлу жалғыз қызы болыпты. Қыздың сұлулығы жан-жаққа тез тарап, қыз 15 жасқа келгенде айттырушылар тұс-тұстан ағыла бастапты. Перзентін өте жақсы көретін бай қызының қалауы бойынша ғана тұрмысқа шығатынын қатаң ескертіпті. Жігіттерді асықпай таңдаған қыз ақыры біреуіне тоқтап, әкесінен батасын сұрайды. Бай уәдесінде тұрып, қызына арнап отыз күн ойын, қырық күн