#Православие, #Христианство, #русскийсвятой, #ПреподобныйДимитрийПрилуцкий, #житиясвятых, #житиеПреподобногоДимитрияПрилуцкого, #ПреподобныйДимитрийПрилуцкийВологодский, #ПреподобныйДимитрийПрилуцкийВологодскийчудотворец, #СвятойпреподобныйДимитрийПрилуцкий
Тропарь:
Свы́ше от Бо́га, пpеподо́бне, благода́ть пpия́л еси́ духо́вную, и от Него́ у́бо позна́лся еси́, блаже́нне, Того́ pа́ди и ты ду́хом позна́л еси́ лу́чшая Его́, бу́дущаго ве́ка пpебыва́ние, и по́стнически испыта́вся во свои́х оби́телех. И ны́не со а́нгели ликовству́я, Спа́су всех за ны моли́ся, свя́те Дими́тpие, да вси вопие́м: Сла́ва Да́вшему ти кpе́пость, сла́ва Венча́вшему тя, сла́ва Де́йствующему тобо́ю всем исцеле́ния.
Ин тропарь:
Свы́ше от Бо́га, преподо́бне, благода́ть прия́л еси́, Дими́трие пресла́вне, и Того́ си́лою укрепля́ем, Ева́нгельски ходи́ти изво́лил еси́, отону́ду же и от Христа́ возме́здие трудо́в обре́те, всеблаже́нне, Его́же моли́ спасти́ся душа́м на́шим.
Кондак:
От ю́ности, преподо́бне, крест твой взе́м, Христу́ после́довал еси́, в моли́твах и поще́ниих, во бде́ниих же и злострада́ниих пло́ть твою́ изнуря́я. Те́мже и Всеви́дящее О́ко твоя́ труды́ ви́дев, чудесы́ тя прославля́ет, и всех зва́ти тебе науча́ет: ра́дуйся, преподо́бне о́тче Дими́трие, по́стников удобре́ние.
Ин кондак:
Жезло́м, свя́те Дими́трие, от Бо́га да́нным ти, лю́ди своя́ упасе́ на па́житех зако́на живоно́сна, зве́ря же неви́димаго шата́ние сокруши́ под но́зе тебе́ пою́щих, я́ко да в беда́х тя те́пла предста́теля и́мамы.
Молитва:
О свяще́нная главо́, преди́вный чудотво́рче, богоно́сне о́тче наш Дими́трие! Усе́рдно припа́дающе к тебе́, мо́лимся: яви́, нам, смире́нным и гре́шным, многомо́щное твое́ заступле́ние. Се бо грех ра́ди на́ших, не и́мамы дерзнове́ния ко Го́споду проси́ти Его́ даро́в, нам благопотре́бных, но тебе́, моли́твенника к Нему́ благоприя́тного, предлага́ем и про́сим: испроси́ нам у бла́гости Его́ вся я́же на по́льзу душа́м и телесе́м на́шим: ве́ру, пра́вду, наде́жду несумне́нну, любо́вь нелицеме́рну, во искуше́ниих му́жество, в злострада́ниях терпе́ние, в моли́твах постоя́нство, в благоче́стии преуспе́яние, вожделе́нное здра́вие, земли́ плодоно́сие, возду́ха благорастворе́ние, дожди́ благовре́менны, жите́йских потре́б дово́льство, мир во днех на́ших и благослове́ние свы́ше на вся́кая блага́я дела́ на́ша. Не забу́ди, чудотво́рче святы́й, ми́лостиво посеща́ти оби́тель свою́, гра́ды и ве́си страны́ на́шея правосла́вныя, сохраня́я и соблюда́я их моли́твами твои́ми от вся́кого зла. Помяни́ всех, ве́ру и любо́вь к тебе́ иму́щих и и́мя твое́ моли́твенно призыва́ющих, и во благи́х проше́ния их ми́лостиво испо́лни, осеня́я их свы́ше святооте́ческим твои́м благослове́нием. Ей свя́тче Бо́жий, не лиши́ и нас гре́шных твоего́ многомо́щнаго заступле́ния, но сподо́би нас кончи́ну жития́ благу́ю улучи́ти и Ца́рствие Небе́сное унасле́довати. Да воспое́м и просла́вим ди́внаго во святы́х свои́х Бо́га на́шего, Отца́ и Сы́на и Свята́го Ду́ха, во ве́ки веко́в. Ами́нь.
2 views
12
6
4 days ago 00:18:12 1
Православный календарь, Четверг 23 мая 2024. Апостола Симона Зилота (I)
4 days ago 00:42:57 1
Апостол, Евангелие и Святые дня. Преполовение Пятидесятницы. ()
4 days ago 00:21:23 1
Утреннее правило утренние молитвы
4 days ago 00:38:55 1
Апостол, Евангелие и Святые дня. Неделя 4-я по Пасхе, о расслабленном. ()
4 days ago 00:38:32 1
Апостол, Евангелие и Святые дня. Сщмч. Ермоге́на, патриарха Московского и всея России. ()
4 days ago 00:37:46 1
Деяния Святых Апостолов. Глава 5 “Лукавство и смерть Анании и Сапфиры“ Священник Валерий Духанин
4 days ago 00:33:15 1
Апостол, Евангелие и Святые дня. Седмица 4-я по Пасхе. ()