Атырау облысының әкімі республикалық Орал-Атырау тас жолының жағдайымен танысты.

Атырау облысының әкімі республикалық Орал-Атырау тас жолының жағдайымен танысты. 25 маусым күні Индер ауданына жасаған сапары кезінде Атырау облысының әкімі Нұрлан Ноғаев жолда тым ауыр жүк көліктерінің жүргенін көріп, жергілікті шенеуніктерге бұл мәселемен түбегейлі айналысуды қатаң тапсырды. Сапар кезінде 8 тоннаға дейінгі салмақты ғана көтере алатындай етіп төселген жолда 25 тонна жүк тиеген көліктердің еш алаңсыз жүргені белгілі болды. Аудан басшылары бұл келеңсіздікті жақын арада жоюға уәде берді. Аймақ басшысы сонымен қатар, трассаның ойылып қалған жерлерін жамау жұмыстарымен танысып, сапасын бақылады.