радио Юлдаш! Татамал байрамы!

Көйөргәҙегә ҡунаҡҡа Федоровка, Стәрлебаш, Мәләүез, Мишкә, Кушнаренко райондарынан, шулай уҡ Ырымбур өлкәһе Октябрь районынан оҫталар һәм ижади коллективтар килде. Фестиваль барышында таҫтамал сигеү буйынса күргәҙмә-конкурс, ихаталар күргәҙмәһе, “Дуҫлыҡ Таҫтамалы” ижади конкурсы ойошторолдо. Шулай уҡ оҫталар һәм ҡунаҡтар ҡул һәм машина менән сигеү буйынса оҫталыҡ дәрестәрендә ҡатнашты. Халыҡ тормошонда таҫтамал ҙур урын алып тора. Беҙ уны көн һайын ҡулланабыҙ. Оҫталар таҫтамалдарҙы сағыу, биҙәкле матур итеп эшләргә тырыша. Фестиваль ошо гүзәллекте күрһәтергә тырышты ла инде. Сара халыҡ ижады һәм биҙәү-ҡулланма сәнғәте өлкәһендә милли традицияларҙы тергеҙеү, һаҡлау, берҙәмлекте нығытыу маҡсатында үткәрелә. Көйөргәҙе таҫтамалдары менән дан тота. Фестиваль бренд байрамдарының береһе тип тә әйтергә була. Уны йыл һайын үткреү ҡарала.