Еңбек сіңірген бірнеше азаматтар бүгін Елбасы қолынан сыйлықтар алды

КАРИНА АБДУЛЛИНА, «Мюзикола» дуетінің солисі: Дүниедегі әйел бақыты ер жігітпен тығыз байланысты. Қазақстан әйелдері үшін ең алдымен көшбасшы, отағасы, ер жігіт сіз! Аса құрметті президент мырза! Көп рахмет сізге! Мереке қарсаңында президенттен құттықтау естіп, қолынан марапат алғандар Елбасы мен ел алдында қосымша жауапкершілік алдық, халық үшін маңдай терімізді аямаймыз деген тілектерін жеткізді. Сондай-ақ, Елбасымен бірге естелікке суретке түсті. Ертең олар Тәуелсіздік күніне орай өтетін салтанатты жиынға қатысады.