Әлфия Авзаловага багышланган концерт

11 июль Казанда, дөнья беренчелеге кысаларында мәшһүр халык артисты Әлфия Авзалова истәлегенә багышланган концерт үтте. Концерт никтер Казанда беренчелек матчлары тәмамланганнан соң оештырылды. “Казан“ гаилә үзәгендәге Fan Fest җанатарлар мәйданчыгында халык гадәттәгедән аз иде, татар тамашасы ярты сәгатьләп барды. Җанатарлар мәйданчыгындагы тамашачылар татар эстрада җырчыларыннан Венера Ганиева, Зәринә Вилданова һәм легендар җырчының кызы Зөлфия Нигъмәтҗанованы күрә алды.