Joachim Meyer - Tag: 2. Stück

Das zweite Stück vom Tag: Transkription: hauwet er dir aber von Unden gegen deiner Lincken / so trit abermal gegen seiner Lincken aus / und hauwe mit Langer schneide Oben auff die sterck seines Schwerdts / als bald dein Schwerdt auff das seine rührt oder glitzt / so zuck dein Schwerdt wider übersich in die höh / und schlag mit kurtzer schneid in einem schnall wider nider / mit fernerm umbtretten gegen seiner Lincken zu seinem Lincken ohr / dieff hinein / das wirt er in solcher eil versetzen wollen / und dargegen übersich fahren / darumb hauwe behend mit Langer schneid / widerumb zu seinem Rechten or / in solchem umbschlagen trit wol gegen seiner Rechten wie vor / und bleib gleichwol mit dem kreutz hoch uber deinem Kopff / und merck als bald er umbschlecht / so fall jhm mit dem Schnit abermal auff die Arm / will er den auch nit leiden / sonder will sich ledig arbeiten / so volg jhm (auff seinen Armen bleibent) nach / und wann ers am wenigsten versihet / so laß abfliegen