Тӑвай тӑрӑхӗнче Николай Шутов ячӗпе пултарулӑх ушкӑнӗсен фестивалӗ иртрӗ

Республикӑра паянхи кун 49 халӑх театрӗ ӗҫлет. Тӑвай тӑрӑхӗнчи Енӗш Нӑрваш уйрӑм вырӑнта тӑрать. Унта 1970-мӗш ҫулсенче Чӑваш Республикин культурӑн тава тивӗҫлӗ ӗҫченӗ Николай ШУтов пуҫарнипе драма кружокӗ ӗҫлеме пуҫланӑ, 1987-мӗш ҫулта вӑл “халӑх театрӗ“ ята тивӗҫнӗ. Чылай ҫул ялти Культура ҫурчӗн пуҫлӑхӗнче тӑрӑшнӑ Николай Шутов пурӑннӑ пулсан кӑҫал 60 тултаратчӗ. Ӑна асӑнса ентешӗсем фестиваль ирттерчӗҫ.