Kaspi және қазақстандықтардың бір-біріне жау екендігі туралы

Билік халықты басқаруда түрлі амал қолданады. Солардың бірі, ең белгілі көне қақпан - “бөліп ал да, билей бер” әдісі. Халықты жік-жікке бөліп, қырқыстырып қою арқылы халықты бір-біріне жау етеді. Белгілі бір топты өздеріне “ыңғайлы” болғаны үшін көтермелесе, бір топты төмендетеді. Қазақстан халқының нәсілшіл, рушыл, жершіл, ұлтшылдығы - билік үшін таптырмас мүмкіндік. Халық қазақ/орыс тілінде сөйлейді деп бөлуі, түрлі ұлт өкілінің болуы нәтижесінде қазақтар/өзге ұлт өкілдері деп бөлуі, территорияны оңтүстік, солтүстік, шығыс, батыс деп бөлуі биліктің не ойлағанын көрсетеді. Бүгінгі шығарылымда «бөлшектеп ал да, жоя бер» дегенге пара-пар саясат туралы сөз қозғайтын боламыз.