“ Ат уйнатып алдан бара..“

Башҡорт драма театры артистарының бер төркөмө Ҡазан ҡалаһының «Залесный» мәҙәни үҙәгендә ҡунаҡта булды. Беҙ унда ошо мәҙәниәт үҙәге директоры, Татарстан Республикаһы башҡорттары ҡоролтайы рәйесе урынбаҫары Юсупов Тимур Зиряковичтың саҡырыуын ҡабул итеп барҙыҡ. Килеп инеү менән башҡорт мәҙәниәтенә ҙур иғтибар бүленеүе, төрлө күргәҙмәләр, ҡул эштәре, милли уйын ҡоролдары барлығы күҙгә ташлана. Бәләкәс малайҙар ҡамсат бүрек кейеп ҡунаҡтарҙы ҡаршы алыуы шатландырҙы. Осрашыуыбыҙҙың төп темаһы “ Ат уйнатып алдан бара..“ спектәкле, генерал Шаймортов образы хаҡында булды. Осрашыу аҙағында хужалар беҙҙе башҡорт йыр- моңо, рухы менән ҡыуандырҙы. Театр директоры Иршат Файзуллин хужаларға Рәхмәт хаты һәм иҫтәлекле бүләктәр тапшырҙы.