[Национальное телевидение Чувашии] Тĕнчипех пĕлĕç

🎯 Загружено автоматически через бота: 🚫 Оригинал видео: 📺 Данное видео принадлежит каналу «Национальное телевидение Чувашии» (@ntrk21). Оно представлено в нашем сообществе исключительно в информационных, научных, образовательных или культурных целях. Наше сообщество не утверждает никаких прав на данное видео. Пожалуйста, поддержите автора, посетив его оригинальный канал. ✉️ Если у вас есть претензии к авторским правам на данное видео, пожалуйста, свяжитесь с нами по почте support@, и мы немедленно удалим его. 📃 Оригинальное описание: Раççей тĕп хулинче «Продэкспо» курав ĕçлет. Кăçалхипе вăл 29-мĕш хут иртет. Курава 54 çĕршыври икĕ пин ытла пĕрлешӳ хутшăнать. Раççейри кашни регион та форума паха та техĕмлĕ апат-çимĕç илсе килнĕ. Чăваш Ен чысне Мускавра тăхăр предприяти хӳтĕлет. Мĕнпе тĕлĕнтереççĕ-ха вĕсем? Тĕплĕнрех – малалла. Сахалин утравĕнчен пуçласа Калиниград хули таранах. Çĕршыври кашни тăрăхри апат-çимĕçе форумра курма пулать. Продукцие кăларакансем курава уйрăммăн та, ушкăнпа та хутшăнчĕç. Республикăри тăватă предприятие «Чăваш Енре туса илнĕ» паллă пĕрлештерет. Унта «Мелилотус», Етĕрнери спиртзавод, «Атăлçири кăлпасси», «Ялти картиш» кооператив кĕреççĕ. ГРИГОРИЙ ДАНИЛОВ: «Эпир кăçал пĕчĕк тата вăтам услам субъекчĕсене пĕр паллăпа пĕрлештертĕмĕр. Ял хуçалăх апат-çимĕçне туса илекенсене тавара сутма пулăшатпăр. Вĕсенчен пĕр пайĕ продукцие ют çĕршывсене сутма хатĕр. Ку курав тĕнче шайĕнче. Эпир кунта тĕрлĕ килĕшӳ çырасса шанатпăр». Ют çĕршыври предприятисем Раççее пĕрремĕш хут килмеççĕ. Кашнинчех вĕсем мĕн шыранине тупаççĕ. Чăваш Енри предприятисенче кăларакан продукцие тĕрлĕ тытăмра усă кураççĕ. Çапах та чылайăшĕ вĕсем пирки пĕлмест. Курав шăпах çĕнĕ майсем тупма пулăшать. СЕРГЕЙ АРТАМОНОВ: «Пирĕн предприятисен тĕп тĕллевĕ – федераллă сетсемпе те, ытти çĕршывсемпе те тĕрлĕ килĕшÿсем тума. Пĕлтĕрхи çак выставкăра 32 килĕшÿ тунăччĕ. Вĕсенчен 25 килĕшĕвĕпе паянхи кун та предприятисем ĕçлесе пыраççĕ. Çавăн пекех çынсем мĕн туса илнине курмалла пирĕн. Тĕрĕс пахалăхлă продукци туса илме вĕренмелле. Унсăр пуçне хамăрăн продукцие, ытти регионсене, ытти çĕршывсене тĕрĕс кăтартмалла. Эпĕ Чăваш Республикинче пахалăхлă продукци туса илеççĕ тесе шутлатăп». Иртнĕ çулта Чăваш Енри предпритиясем 41 çĕршыва тавар сутнă. Кăçалхи форумра хутшăннин те витĕмлĕхĕ палăрать. Сăмахран, Мускавра Чăваш Енре туса илнĕ апат-çимĕçе сутакан лавккасен хисепĕ ӳсĕ. Кун пирки Раççей Президенчĕ çумĕнчи Чăваш Ен элчи Алексей Ладыков пĕлтерчĕ. «Мускав суту-илӳ департаменчĕпе эпир тачă çыханса ĕçлетпĕр. Ярмарккăсем ирттерме халĕ ирĕк пур пирĕн. Ку лапамран малалла аталанăпăр», – палăртрĕ вăл. Куравра апат-çимĕçĕн пахалăхĕпе хăрушсăрлăхне те тимлĕх уйăрĕç. «Çĕршыври чи тутлă тата аван продукци» конкурсра республикăри хăш предприяти çĕнтернине эрне вĕçĕнче пĕлĕпĕр. Алексей Зотиков, Татьяна Молокова, Юрий Марков