Оразаң қабыл болсын, ұстаған жан!

Бүгіннен бастап 30 күн ораза ұстауға ниеттенген күллі мұсылман баласы ауыз бекітті.Қабыл болсын делік. Ораза ұстаудың адам денсаулығына пайдасы орасан зор. Сондай-ақ, Рамазан айы – нәпсінің кісенделіп, жақсылықтардың қақпасы ашылатын айы. Демек, рухани кемелденуге мүмкіндік мол ай. Биылғы пітір садақа мөлшері жан басына 300 теңгеден болып белгіленді. Айта кетейік, пітірді Рамазан айының бірінші күнінен Ораза айт намазына дейін беруге болады. Ал биылғы Рамазан айы, яғни оразаның алғашқы күні 27 мамырдан басталып, ол 29 күнге созылады. Осылайша ораза 24 маусымда аяқталып, 25 маусым күні таңертең еліміздің мешіттерінде айт намазы оқылады. Оразаң қабыл болсын, ұстаған жан!