Aşgabatda polisiýa “her dürli bahanalar” bilen jerime ýazýar

Aşgabatda polisiýa “her dürli bahanalar” bilen jerime ýazýar Aşgabatda Polisiýanyň ýol gözegçilik gullugynyň (PÝGG) awtoulag hereketini çäklendirmek maksady bilen, maşyn eýelerine “her dürli bahanalar” bilen jerime ýazyp başlandyklary barada maglumatlar gowuşýar. Azatlyk Radiosynyň biri-birinden aýra çeşmeleriniň tassyklamagyna görä, bu çäre sentýabrda Aşgabatda ýapyk binalarda söweş sungaty boýunça geçiriljek V Aziýa oýunlary bilen baglanyşykly diýilýär. “[PÝGG işgärlerine] paýtagtyň köçelerindäki ulaglary saklap, islendik bahana bilen jerime ýazmak tabşyryldy. Bu sürüjilere wehim salmak, olaryň ulaglary bilen köçä çykmagynyň öňüni almak üçin edilýär” diýip, Azatlyk Radiosynyň türkmen hökümetine golaý çeşmeleriniň biri aýdýar. Azatlyk Radiosy bilen habarlaşan aşgabatly sürüjileriň biri PÝÝG işgärleriniň ony saklap, onuň öz sözleri bilen aýdylanda, “galp aýyplamalar” bilen jerime salandyklaryny gürrüň berdi. “Golaýda [PÝGG işgärleri meni Aşgabadyň köçesinde] saklap, kesgitlenen tizlik araçägini bozandygym