8-тӥ мартэн

Кышномурт - улон кузьмась, нылпи будэтӥсь, коркалэсь шунытсэ возись, котыр чеберлыкез утись, шаермес азинтӥсь! Зэм но, кышномурт котькытчы вутске. Семьяын, уж дураз тырше, политикаын но ассэ быгатыса возьматэ. Со сяна мерлыко ужын но солэн интыез туж бадӟым луэ. Туннэ милям тау кареммы потэ дано удмурт кышномуртъёслы, ёзчиосмылы, кин котьку дырзэ жалятэк “Удмурт Кенешлэн“ ужаз пыриськиз но пыриське. Тӥ лыдъяса быдтонтэм! Тау тӥледлы мыло-кыдо ужамды, удмуртлыкмес азинтэмды понна! Вань сюлмысь ӟечкыласьком тӥледыз яратонэн но шунытэн пачылмем тулыс праздникен! Мылкыдды котьку пӧзьыса мед улоз, пальпотонды ымнырысьтыды ноку медаз кысы! Ужъёсты капчиен мед мынозы, ӟеч малпанъёсты мед быдэсмозы! Юн тазалык, чиданлык но семьяостылы ваньзэ умойзэ! #УдмуртКенеш